Калифорнийн 20 настай бүсгүй Мэрая Итер нэрт дуучин Жастин Биберийг гурван сартай хүүгийнхээ төрсөн эцэг нь хэмээн мэдэгдэж, шүүхэд нэхэмжлэл гаргалаа. Бүсгүй энэхүү мэдээллээ үнэн гэдгийг батлахын тулд Жастин Биберийг эцэг тогтоох сорил өгөхийг шаарджээ. Харин Жастин Бибер одоогоор тодорхой хариулт өгөөгүй байгаа юм. Мэрая Итерийн мэдэгдэж буйгаар бол өнгөрсөн жилийн аравдугаар сард Жастинтай “ойртсон” юм байна. Гэхдээ энэ нь батлагдвал эргээд бүсгүй өөрөө хэрэгт унаж магадгүй. Учир нь ноднин Жастин Бибер 16 настай байсан тул насанд хүрээгүйд тооцогдож, бүсгүй насанд хүрээгүй хүүхдийг садар самуунд уруу татсан болж магадгүй аж. Жастин Бибер сүүлийн арван сарын хугацаанд жүжигчин бүсгүй Селена Гоместой найзалж буй билээ.

Р.Гэгээ