“Дөрвөн уулын хишиг барилдаан”-ы 2010-2011 оны хоёр дахь нь болох “Баянзүрх хайрхны хишиг барилдаан” /2010.12.19/ амжилттай болж өнгөрлөө. Энэхүү барилдааныг МҮБХ, “Бридж” групптэй хамтран зохион байгуулдаг билээ.

Уг барилдаанд, у.ар Д.Ганхуяг, у.г И.Доржсамбуу, у.з Д.Рагчаа, Б.Соронзонболд, у.х Д.Баасандорж, Т.Мөнгөнцоож, М.Батжаргал, Ө.Бат-Орших, өсөх идэр начин М.Жамъянпүрэв, И.Ёндонсамбуу, Г.Эрхэмбаяр, Ц.Лхагвасүрэн, М.Уламбаяр, Т.Өсөх-Ирээдүй, Ж.Отгонбаяр тэргүүтэй 256 бөх зодоглосноос:

Түрүү: Говь-Алтай аймгийн Бугат сумын харьяат, “Хантайшир” бөхийн дэвжээ, Эргүүл хамгаалалттай газар, “Сүү” ХК-ийн бөх у.н Дугардоржийн БАТБАЯР

Үзүүр: Ховд аймгийн Чандмань сумын харьяат, “Ховд” бөхийн дэвжээ, “Ховд нутгийн хөгжлийн төлөө сан”-гийн бөх у.н Нямаагийн Батзаяа

Их шөвөгт: Завхан аймгийн Алдархаан сумын харьяат, “Завхан” бөхийн дэвжээ, Хүч СХ, Нийслэлийн хөдөлгөөнт эргүүлийн газрын бөх а.а Лхагвын ЛХА-ОЧИР, Увс аймгийн Ховд сумын харьяат, “Увс нуур” бөхийн дэвжээ, Хүч СХ, Нийгмийн хэв журмыг хамгаалах газрын бөх а.н Намсрайжавын БАТСУУРЬ нар шалгаран үлдэв.