Исдам шашинтнуудын хаж мөргөл  үргэлжилж байна. Дэлхийн өнцөг булан бүрээс Меккаг зорин ирж мөргөх мөргөлчдийн цуваа  үл тасарна.

Мөргөлийн хугацаанд ислам шашинтнууд аливаа нүгэл бүхнийг тэвчин өдөрт таван удаа мөргөл үйлддэг байна. Мөн наран мандахаас эхлээд шингэх хүртэл мацаг барина. "Аллахаас өөр бурхан үгүй, Мухаммед (S.A.W - Sallallahu `alayhi wa sallam) түний элч мөн гэдгийг гэрчилж байна" гэж мөргөдөг.

Ислам шүтлэгтэй болгон Исламын тооллоор арванхоёрдугаар сарын 7 - 12-ны өдрүүдэд Меккад очиж мөргөх ёстой гэнэ. Энэхүү мөргөлийн тухай сонирхуулахад анх Арабын хойгийн Мекка нь Энэтхэгийн далайгаас  Сири орох гол усан боомт болдог байжээ. Меккад байдаг солир буюу тэнгэрийн чулуу нь эртнээс ариун газар гэж шүтэгдэж, хүмүүс жилд нэг удаа ирж мөргөдөг байжээ.

Энэ үед арбаын аймгууд дайн байлдаанаа зогсоож, амгалан байдал тогтоодог байв. Гэхдээ энэ үед Хобол, Манад, Араат, Эли Вассар гэх мэт олон янзын бурхадыг шүтдэг байв. Энэ мэтчилэн Мекка нь эдийн засаг, нийгмийн хувьд Арабын бусад газраас бага зэрэг илүү хөгжилтэй, Арабын аймгуудыг нэгэн үндэстэн болгож шашин соёлын төв нь болох асар их боломжтой байсан байна.

Гэвч эдийн засаг нь хөгжихийн хэрээр хот хөдөө, баян ядуугийн ялгаа ихээр гарах болсон байна. Тэр үеийн Арабын дээдэс нь голдуу нүүдэлчид бөгөөд суурин газрын худалдаачид доод зэргийн давхаргад багтдаг байжээ.Иймээс нийгмийн шинэ хүчирэг хүчин болсон хүмүүсийн хувьд хуучны ёс заншил, шашин шүтлэг нь ямар нэгэн ашиг тус байхгүй байсан тул тэд шинэ шашин, шинэ ёс заншил хайж эхэлсэн байна. Энэ нь исламын шашин үүсэх хамгийн том нөхцөл болсон байна.