Улсын заан Ч.Санжаадамба, улсын начин Ш.Жаргалсайхан нар зургаагийн даваанд тунасан. Хоёр бөхийн барилдаан начин хутгахад нь Ч.Санжаадамба заан мушгиж урдуураа гүйлгэж татаад зэрэг шахуу унасан юм. Үүнийг хөлийн цэцүүд хэлэлцээд улсын заан Ч.Санжаадамбыг давсанд тооцлоо. Үнэхээр ч Ш.Жаргалсайхан начны баруун тохой түрүүлж газардсаныг бичлэг дээр харууллаа. Ингэснээр улсын заан Ч.Санжаадамба улсын арслан П.Бүрэнтөгстэй үзүүр түрүү булаалдахаар шалгаран үлдээд байна.