УИХ-ын чуулганаар хэлэлцсэн өвөрмөц хуулиудын нэг нь яалтгүй ХДХВ/ДОХ-оос сэргийлэх хууль байлаа. Өмнө нь тэмцэх тухай хууль байсныг шинэчлэхдээ сэргийлэх тухай болгожээ. Мөн зарим өөрчлөлт орох болсныг бид өмнө нь зах зухаас нь мэдээлсэн билээ. Тухайлбал, халдвартай хүмүүс осолд орсон хүний адил группт хамрагддаг болов. Гэр бүл болохын тулд ХДХВ/ДОХ-ын шинжилгээ авдаг байсныг ч энэ удаа болиулжээ. Хүний эрхийн талаасаа, ялгаварлан гадуурхахын эсрэг өнцгөөс нь үзсэн ч тэгж таарчээ. Гэр бүлтэй болохоосоо өмнө халдвартай байгаад гэрлэсэн тохиолдол дэлхийн жишгээр бол бишгүй л байдаг юм байна. Ажилд ороход нэхдэг эрүүл мэндийн үзлэг, шинжилгээг ч хүчингүй болгожээ. Эх сурвалж www.wikimon.mn