Удахгүй шинэ жил болох гээд бүсгүйчүүд хэрхэн гоёх талаар аль хэдийнэ санаа зовоод эхэлжээ. Бидний хамгийн их ач холбогдол өгөн тэмдэглэдэг энэхүү баярыг хүмүүс сүүлийн жилүүдэд улам ч сонгодог, тансаг тэмдэглэдэг болсон. Бүсгүйчүүд ч энэхүү баяраар хамгийн онцгой сайхан харагдахыг хүсдэг нь нууц биш ээ. Энэ жилийн даашинзны загварын чиг хандлага ерөнхийдөө биеийн галбир харагдуулсан урт хормойтойг санал болгож байна.  Өндөр өсгийт өмсч, урт бие барьсан даашинз илүү дутуу зүйлгүй ихэмсэг харагдуулна. Мөн энэ жил цээжээрээ ямар нэг илүү чимэглэлгүй, мөргүй байх тусмаа чамин харгдуулах юм. Эмэгтэйчүүд ядартлаа дэлгүүр хэсэхээс илүүтэйгээр өөртөө таалагдсан загварынхаа дагуу даашинзаа оёулах нь элбэг болсон. Өөрийн биеийн хэмжээ онцлогт тохируулан өөрийн  хүссэн цорын ганц гоёлоор гоёх нь илүү ч үнэ цэнэтэй болоод буй. Харин эмэгтэй та даашинздаа тохируулан ээмэг, зүүлтийнхээ сонголтод ч бас анхаараарай. Э.Мөнхнасан