Шувуу нисэх өндрөөс эхнэрийнхээ нүцгэн зургийг 1980-иад оны эхнээс авч байсан Шинэ Зеландын зурагчны бүтээл зард гараад байна. Зурагчны уран сэтгэмж ерөөс гайхалтай, юу гэвэл гэргийгээ гахайн фермийн дэвсгэрт байрлуулж, эсвэл  галт тэрэгний дугуйн дор тавьжээ гэж “Дейли мэйл” сонинд бичсэн байна. Кроуфордын бүтээлүүдэд  эргэн тойрны үзэсгэлэнт  байгаль нүцгэн биетэй гайхалтай хослож байгаа аж.  Гэрэл зурагчны хамгийн нэртэй зургийн нэгэнд түүний гэргий гахайн нэг фермийн саравчинд хэвтэж байх. Өөр нэг гэрэл зурагт эмэгтэйн зургийг  мөн тийм байрлалд, харин хагалсан тариалангийн талбайд авч, гурав дахь зурагт тэр төмөр замын далан дээр хөндлөн хэвтсэн байна. 1984-87 онд авсан зургууд нь сая л Интернэтэд тавигдаж, гэрэл зураг үнэлэгчдийг  шогшируулжээ. Кроуфорд  өөрийн сайтыг нээснээр, энд сүүлийн 30 жилд авсан хамгийн сайн зургуудаа тавьсан байна. Зурагчин  урлагт огт хамаагүй өөрийн үндсэн ажлаа хийж явахдаа шувуу нисдэг өндрөөс нүцгэн биеийн зургийг авах санаа түүнд төржээ. Тэр ажлын шаардлагаар нисдэг тэргээр явдаг байжээ.  Нэг л агшинд Кроуфорд  өндрөөс байгалийг ажиглан харах үнэхээр дуртай болсон байна. Тээр дор  сунайж харагдах тэгш хэмт газар орны байдал  нь хачин сонин хээз угалз мэт тахирлах бөгөөд үүнд “тэнгэр, газрын савслага саад болоогүй байна”. Зурагчны хэлснээр, тэр  өөрийн зургуудаар байгалийн сүрлэг сайхныг үзүүлж, түүний дэвсгэрт хүн ямар өчүүхөн жижиг санагддагийг харуулахыг хүсчээ. Ийм зураг авдаг болсон тэр үеэс хойш Шинэ Зеланд эрийн хувийн амьдралч  маш их өөрчлөгджээ. Жишээ нь, түүний олонхи  зурагт гарсан эхнэрээсээ тэр аль эрт салсан байна. Харин Кроуфорд  хуучин эхнэртэйгээ  эв найртай харилцаагаа хадгалж үлдэж чаджээ. Түүний хэлснээс үзвэл, модель эхнэр нь хуучин нөхрийнхөө хүрсэн  амжилтад ер бусын их баярласан гэнэ. Жон Кроуфордын гэрэл зургуудыг  дэлхийн гэрэл зураг сонирхогчид зохих ёсоор үнэлж  байна. Нэг сар хүрэхгүйн хугацаанд түүний порталд янз бүрийн орны  олон зуун мянган хүн оржээ.  Гэнэтийн  энэ нэр алдар нь Нью-Йоркт хувийн үзэсгэлэнгээ  нээн ажилуулахад туслана гэдэгт тэр найдаж байна. С.Золбоо