Улс төрд дөнгөж хөл тавьж байгаа “жараахайнууд” хуучны хашир бурхинуудынхаа  өгөөш болсоор удаж байгаа. Улс төрийн амбицдаа автагдсан тэднийг архаг улс төрчид өөрсдийн гар, хөл болгон амархан ашигладаг, тэд ч өлхөн ашиглагдчихдаг билээ. Нийслэлийн ИТХ дахь МАН-ын бүлгийн мэргэн жараахайнуудын нэг Д.Амарбаясгалан “ах” улс төрчдийхөө турхиралтаар орон нутгийн сонгуулийг далимдуулан “мөрдөгч Деррик”-ийн дүрд тоглов. Хүний гараар могой бариулахдаа гаршсан МАН-ын томчууд Э.Бат-Үүл баатрыг доош хийх санаагаа гүйцэлдүүлэхийн тулд хувьдаа газар авсан хэмээн шургаж, дүү нараа турхирчээ. Ах нарынхаа үгэнд итгэсэн “мөрдөгч” Д.Амарбаясгалан баатар Э.Бат-Үүлийн хүү Б.Чулуудайн “Сонор рекордс”-ын эзэмшил газарт дайрч орон бусдыг айлган сүрдүүлж, хүчийг үзүүлэв. Харин энэхүү газар нь аль эртний хотын мээр Ц.Батбаярын үед олгогдсон зөвшөөрөлтэй газар төдийгүй үнэндээ өөрсдийнх нь нам эрх барьж байх үед олгогдсон газар байжээ. Улсын баатрыг өөртөө газар авсан хэмээн гүтгэсэн “мөрдөгч” Д.Амарбаясгалан бусдын хатгалгаар “могой“ барьснаа ийнхүү мэджээ. Эх сурвалж www.wikimon.mn