Шинэчлэлийн засгийн газрын 100 хоног арга хэмжээний  хүрээнд Засгийн газрын тохируулагч агентлаг Цөмийн энергийн газраас “Амьдралд ойрхон хэрэглээ” нээлттэй өдөрлөгийг МҮЭ-ийн соёлын төв ордонд маргааш зохион байгуулахаар болжээ. Энэ үеэр цөмийн технологийн хэрэглээ, ач холбогдол үр нөлөөний талаар мэдээлэл өгөх, цөмийн технологи ашиглаж байгаа салбар, байгууллагуудын үйл ажиллагааг сурталчилан таниулах аж. Өдөрлөгт Хавдар судлалын үндэсний төв, Улсын клиникийн төв эмнэлгийн Цөмийн онош зүйн тасаг, Геологийн төв лаборатори, Мал эмнэлгийн хүрээлэн, Улсын ариун цэврийн төв лаборатори, Ургамал, газар тариалангийн сургалт эрдэм шинжилгээний төв болон “Арева” ХХК,  “Оюутолгой” ХК зэрэг нийт 20 гаруй байгууллага оролцож, үйл ажиллагааныхаа талаар олон нийтэд танилцуулах юм байна. П.Наран