“Vanguish” хамтлагийн дуучин, реппер Н.Цэцэнбилэг буюу Цэцэ өнгөрөгч баасан гаригт “Нийслэл хүү” тоглолтоо “АСА” циркт зохион байгуулллаа. Тоглолтын ерөнхий зохион байгуулагчаар "Хас медиа агентлаг”, "Fashion Channel" ажилласан бөгөөд хоёр цаг үргэлжилсэн уг тоглолтонд “Vanquish”, “Opozit”, “Бэрд”, “Punk&Rap” хамтлаг, DJ Chin, дуучин BХ оролцсон юм. Реппер Цэцэ нийслэл хотдоо өөрийн хувь нэмрээ оруулах зорилгоор “Нийслэл хүү” клуб байгуулаад удаагүй бөгөөд тоглолтоо ч мөн клубынхээ нэрээр нэрлэсэн аж. Түүний Улаанбаатар хотынхоо залууст зориулсан уг тоглолтын үеэр “Миний пүүз”, “Байрны ах”, “Бөртэ Үжин” зэрэг хит дуунууд нь үзэгч фенүүдийнхээ цөсийг хөөргөөд авна лээ. Хоёр цаг гаруй үргэлжилсэн монгол реппер Цэцэ -гийн  хип хоп тоглолт дуу хөгжмийн ялгарал, тайз гэрэлтүүлэг гээд л үнэхээр их хотын залуусыг байлдан дагуулсан үдэш байв.