“River Sounds” бааранд бөхчүүд зодоон хийж хоёр хүнийг хүнд гэмтээжээ. Одоогоор энэ хэргийг шалгаж байгаа учир улсын болон  аймгийн цолтой бөхчүүдийн нэрийг энэ удаа нууцалж байгаа аж. Мөрдөн шалгалтын явцад зодоонд оролцсон оролцоогүй нь тогтоогдсоны дараа хэн болохыг нь зарлах аж. .“Hite” гэх компанийн захиралтай маргалдсаны улмаас зодоон эхэлсэн гэж бөхчүүд мэдүүлж байгаа гэнэ. Ямар боловч уг зодооны  үеэр гэмтэл авсан хоёр хохирогчийннэг нь БНСУ-д эмчлүүлэхээр явсан байна. Зодоон хийсэн бөхчүүдэд Эрүүгийн хуулийн 181-т зааснаар танхайн хэргээр эрүүгийн хэрэг үүсгэн шалгаж байгаа юм. Энэ дашрамд дурдахад “River Sounds”  клубыг үргэлж цаг хэтрүүлэн ажилладаг гэсэн шалтгаанаар Мэргэжлийн хяналтынхан цагдаагийн байгууллагатай хамтран хаасан гэж байсан. Гэтэл тэр хаасан гээд байсан бааранд нь зодооны хэрэг мандаад байна. Эх сурвалж: times.mn