Төрийн байгуулалтын байнгын хорооны хуралдаан Төрийн ордны "А" танхимд 09.00 цагт  товлонгдсон боловч  цаг гаруй хоцорц 52.9 хувийн ирцтэй эхэлсэн юм. Гэвч хуралдаан эхлээд удаагүй  УИХ дахь  АН-ын гишүүд завсарлага авах хүсэлт гаргаснаар Төрийн байгуулалтын байнгын хорооны хуралдаан хойшиллоо.

Уг нь өнөөдрийн хуралдаанаар Монгол Улсын Их Хурлын тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслүүд /Монгол Улсын Ерөнхийлөгчөөс өргөн мэдүүлсэн, анхны хэлэлцүүлэг  хэлэлцэхээр товлосон байв.

Түүнчлэн Хэвлэл мэдээллийн эрх чөлөөний тухай, Хууль хүчингүй болсонд тооцох тухай, Эрүүгийн хуульд өөрчлөлт оруулах тухай, Иргэний хуульд нэмэлт, өөрчлөлт оруулах тухай, Хэвлэл мэдээллийн эрх чөлөөний тухай хуулийг дагаж мөрдөх журмын тухай хуулийн төслүүдийг тус тус хэлэлцэх байсан юм.

Н. Түвшин