Манай улсад импортоор орж ирж байгаа үнэт эдлэлүүд сорьцын баталгааны тэмдэггүй тохиолдол нилээд гардаг. Харин Стандартчилал, хэмжил зүйн газрын Сорьцын хяналтын хэлтсээс худалдаанд гарч байгаа эцсийн бүтээгдэхүүнд шинжилгээ хийж сорьцын баталгааны тэмдгийг алхаар цохиж дардаг.Энэ явцад үнэт эдлэлийг гэмтээх, хэлбэрт нь өөрчлөлт оруулах хугацаа алдах гэх зэрэг тохиолдлууд гардаг байна. Иймд Сорьцын хяналтын хэлтэсээс өөрийн лабораторидоо сорьц дарагч лазерийн төхөөрөмжийг авч ашиглаж эхэлжээ. Ингэснээр шинжилгээнд орсон үнэт эдлэлд сорьцын баталгааны тэмдэгийг лазерийн туяагаар маш богино хугацаанд эдлэлийг гэмтээхгүйгээр цэвэр, тод гаргацтай, нүдэнд харагдахуйц байдлаар дардаг давуу талтай болсон байна. П.Наран