Хойд Солонгосын тал хөөргөнө хэмээн мэдэгдэж байсан алсын тусгалтай балластик  пуужингаа хөөргөсөн байна. Энэ тухай Өмнөд Солонгосын албаны эх сурвалж мэдээлж байна. Пуужин хөөргөх хугацааг хойшлуулна гэж байсан ч гэнэтийн шийдвэрээр өнөө өглөөний 09.51 цагт пуужингаа хөөргөсөн тухайгаа Хойд Солонгос мэдэгдсэн байна.

АНУ болон бусад орнууд өмнө нь НҮБ-аас гаргасан алсын тусгалтай пуужин турших хоригийг зөрчиж буй хэрэг болно гэдгийг БНАСАУ-д удаа дараа анхааруулж байсан юм.

Хойд Солонгосын баруун эрэгт орших зурвасаас пуужинг хөөргөжээ. Умардуудыг баллистик пуужин харвах сургаар байлдааны бэлэн байдал зарлаад байсан Японы талаас пуужин Окинава мужийн дээгүүр өнгөрсөн талаар мэдээллээ.

Японы засгийн газрын мэдэгдснээр алсын тусгалтай пуужин Окинава арлыг өнгөрч, 10.05 цагт Филиппиний өмнөд тэнгист пуужингийн хаягдал унана гэсэн тооцоо гаргажээ. Японы тал пуужиг замаас нь устгана гэж мэдэгдэж байсан боловч гэнэтий шийдвэрийн улмаас  пуужинг устгаж чадаагүй юм.   

Ийнхүү гэнэт пуужин хөөргөсөнд Японы засгийн газар яаралтай худалдаан зарласан бол Өмнөд Солонгосын ерөнхийлөгч Ли Мүн Бак мөн яаралтай хурал зохион  байгуулах болсныг дуулгаж байна.