Хэвлэлийн хүрээлэнд 11.00 цагт Хөвсгөл аймгийн 33 цэгт гарсан ой хээрийн түймрийн хэрэгт эрүүгийн хэрэг  үүсгэхтэй холбоотой  мэдээллийг хуульч, иргэний нийгмийн байгууллагын төлөөлөл хийнэ. 12.00 цагт Зуун мянган айлын орон сууцны зээлд хамрагдсан Голден парк орон сууцны захиалагчид уг хөтөлбөртэй холбоотой зээлийн талаар мэдээлэл хийнэ. Монгол ньюс мэдээллийн төвд 11.00  цагт Хууль сахиулахын их сургуулийн захирал, хурандаа Р.Чингис хэвлэлийн бага хурал зарлалаа. 12.00 цагт Нэрт эрдэмтэн зохиолч Л.Н.Гумелевын мэндэлсний 100 жилийн ойд зориулж түүний алдарт бүтээл “Тайна вымышленного царства” номыг монгол хэлнээ орчуулсан талаарх мэдээллийг сонирхоорой. “Цуу ярианаас үүдэлтэй хаант улсын эрэлд” нэртэй уг ном XIII зууны үеийн монголчуудын түүхийг өгүүлсэн аж. 13.00 цагт Эстрадын дуучин Д.Эрдэнэцэцэг агсны дурсгалд зориулж дуучин Э.Болор-Уянга “Дурсъя, дуулъя” нэртэй цомог гаргажээ. Цомгийн нээлттэй холбогдуулан Д.Эрдэнэцэцэг агсны найзууд болон рок попын төлөөлөгчид сэтгүүлчдэд мэдээлэл хийнэ.