Шударга өрсөлдөөн хэрэглэгчийн төлөө газраас авто тээврийн хэрэгслийн засвар, үйлчилгээ эрхлэгчдийн үйл ажиллагаа нь холбогдох хууль тогтоомжид нийцэж байгаа эсэхийг шалгаж, хууль тогтоомжийн хэрэгжилтийг хангуулах чиглэлээр хяналт шалгалт хийсэн. Өөрөөр хэлбэл өөрийн үзүүлж буй үйлчилгээ, бараа бүтээгдэхүүний үнэ, тарифыг албан ёсоор тогтоож бичмэл хэлбэрээр хэрэглэгчдэд ил тод байхаар байршуулж мэдээллэх, авто тээврийн хэрэгслийн агрегат, кузов засвар эрхлэгч нь өөрийн үзүүлж буй үйлчилгээ, бараа бүтээгдэхүүнд чанарын баталгааг албан ёсоор тамга, тэмдэг бүхий хуудсаар гаргаж үйлчлүүлэгч бүрт өгч байх шаардлага тавьж энэ сарын 07-ны өдрөөс дагаж мөрдөхөөр болсон. Энэ дагуу хэрэгжилтийн хяналт шалгалтыг хийхэд авто тээврийн хэрэгслийн завсар үйлчилгээний газрууд зөрчлөө арилгаж эхэлсэн байна.  Харин уг шаардлагыг хүлээж авсан ч зөрчлөө арилгаагүй газруудыг ШӨХТГ-т мэдэгдэх шаардлагатай юм байна. Д.Цэцэг