“Ичмээр ч дамшиг юм даа” гэж нэг үг байдаг аа. Тэр үг л таармаар юм Дундговьд тохиосноос ИТХ нь одоог хүртэл хуралдаж чадахгүй байгаа юм байх. Уг нь ёстой шалихгүй эд юм. Тус аймгийн МАН-ынхан сонгуулийн сурталчилгааныхаа сэтгүүл дээр Далай ламтай хамт татуулсан зургаа тавьчихаж л дээ. Тэгтэл АН-ынхан тэднийг сурталчилгаандаа шашин ашиглав гээд шүүхэд өгчихөж. АН-ынхан сэтгүүл дээрээ аймгийнхаа арын овоон дээр байдаг Зава Дамдины хөрөг гаргачихаж. Тэгэхээр нь МАН-ынхан шүүхэд өгчихнө биз. Ингээд хоёул шүүхээр ороод, нэг бол хоёул шашин ашигласан, эсвэл хоёулаа л санамсаргүй тавьчихсан болоод хайнцаж орхижээ. Ялагч гарахгүй болохоор шүүх нь гацаад түүнээсээ улбаалаад ИТХ нь гацаанд орчихжээ. Мөн ч ядмаг байгаа биз, энэ үзэл суртал. Эх сурвалж www.wikimon.mn