1903 оны арванхоёрдугаар сарын 17-нд ах, дүү Орвилл Райт, Уилбер Райт нар  америкийн Умард Каролина муж улсын Китти-Хок хотод моторт нисэгч төхөөргөөр дэлхийд анх удаа  нисчээ. Моторт ”Флайер-1” аэроплан (дотоод шаталтын хөдөлгүүртэй) 59 секундэд 260 метр зайг туулсан байна. Энэ үйл явдал хүн төрөлхтөний нисэхийн эрин үеийн эхлэл болсон юм. Зургаан жилийн дараа ах, дүү Райт АНУ-д нисэх онгоц үйлдвэрлэх компани байгуулжээ. Тэд нисэх онгоцны үйлдвэрлэлийг хөгжүүлэхэд хувь нэмэр оруулсны учир америкийн нисэх хүчний анхдагчдын нэг Самюел Лэнглийн нэрэмжит алтан медалиар 1909 онд шагнагдсан байна. С.Золбоо