Өмнөд хөршийн нийслэлд явагдаж байгаа Дэлхийн Оюуны спортын их наадмын шатрын блиц буюу түргэн тоглолтын тэмцээний аваргууд өчигдөр тодорлоо. Тэмцээний эрэгтэйчүүдийн ангилалд 15 өргөөс ОХУ-ын их мастер Сергей Карякин (зураг дээр) 12,5 оноогоор түрүүлж, АНУ-ын их мастер Хикару Накамура 11 оноотой мөнгөн медаль хүртсэн байна. Хүрэл медалийн төлөө Францын их мастер Лоран Фрессинье, Армений их мастер Левон Арянон, Азербайжаны их мастер Шахрияр Мамедьяров нар оноо тэнцэж хоорондын хожлоор Азерийн их мастер хүрэл медаль хүртэв.

Эмэгтэйчүүдийн ангилалд ОХУ-ын их мастер, экс дэлхийн аварга Александра Костенюк тэмцээний эхнээс хошуучилсаар түрүүлсэн бол Словений их мастер Анна Музычук мөнгөн медаль хүртлээ. Хүрэл медалийн төлөө Энэтхэгийн их мастер Хумпи Конеру, ХБНГУ-ын ОУМ Елизабет Паетц нар оноо тэнцэж хоорондын хожлоор немц шатарчин хүрэл медалийн эзэн болсон юм. Өнөөдөр 14.00 цагаас хөлөг харахгүйгээр тоглох төрөл буюу Цээжээр тоглолтын тэмцээн болно.

Н.Даваа