Өнөө цагийн хүүхнүүдийн хүслэн болж буй супер хөлбөмбөгчин Кристиано Роналду сүйт бүсгүй Ирина Шейкээсээ уйдсан бололтой. Тэрээр загвар өмсөгч, эмч, улс төрч Николь Минеттитэй хооллож байгаад хэвлэлийнхэнд баригджээ.  Тэд Мадрид хотноо нууцлаг байдлаар болзож байсан ч ийнхүү баригдсан байна. Зоогийн дараа хөлбөмбөгч залуу гарч явсан ч маргааш өдөр нь тэд хамтдаа дэлгүүр хэсцгээжээ. Тэдний дараачийн хамтдаа барьсан оройн зоог илүү романтик байдлаар өндөрлөсөн аж. Папарацын дуранд өртсөн гурав дахь үдэш нь Роналду бүсгүйн өрөөнд орж, шөнө дунд хүртэл тэнд саатсан гэнэ. 27 настай Николь Минетти жирийн нэг шүдний эмч байсан Италийн экс ерөнхий сайд  Берлусконитой танилцсанаар карьер нь загвар өмсөгч, улс төрч, шоу менежер болтлоо огцом өссөн юм.                     Э.Мөнхнасан