Хилийн 0245 дугаар ангийн хариуцсан хэсгээр ОХУ-ын талаас хил зөрчсөн хүний мөрийг хилчид илрүүлжээ. Илэрсэн ул мөрийн дагуу мөрдөхөд хил зөрчигчийг Увс аймгийн Сагил сумын Хариг багийн харъяат Л.Сүхбаатар, Н.Цэвэгмэд нарын өвөлжөөний орчим байхад нь саатуулсан байна. Тэрбээр хилийн дугаар тэмдгийн баруун гар талаар 500 метр газраар хил зөрчсөн байна. Саатуулагдсан этгээд нь ОХУ-ын Тува улсын Мөнгөн тайга хошууны Мугур-Аксы тосгоны харъяа Хертек Сайсуу Викторовна болохыг тогтоожээ. Тэрээр согтууруулах ундаа хэрэглэсний улмаас улсын хил зөрчсөн байна. Д.Цэцэг