Хууль бусаар үлэг гүрвэлийн яс худалдаалдаг АНУ-ын Флорида мужийн иргэн Эрик Прокопи гэгч өөрийн буруутай үйлдлээ хүлээн зөвшөөрчээ. Тэрбээр манай улсаас 70 мянган жилийн настай "Тироннозавр Батаар” үлэг гүрвэлийн араг ясыг хууль бусаар оруулж ирсэн гэдгээ хүлээн зөвшөөрсөнийг BBC агентлаг уламжилж байна. Түүнийг хууль хяналтынхан  өнгөрсөн аравдугаар сард баривчиж, байцааж эхэлсэн ч өчигдрийг хүртэл хэргээ хүлээхгүй байсан юм. Харин энэ бүхний эцэст тэрээр хэргээ хүлээж, улмаар шүүхээс түүнийг 17 жилийн хорих ялаар шийтгэсэн байна. Нью-Йорк хотын шүүх Эрик Прокопиг өнгөрсөн тавдугаар сард хууль бусаар үлэг гүрвэлийн араг ясыг хил давуулж, дуудлага худалдаанд сая гаруй доллараар зарсан хэмээн шалгаж эхэлсэн. Харин зургадугаар сард Монголын талаас ерөнхийлөгч Ц.Элбэгдорж үнэт олдвороо хулгайд алдсан хэмээн мэдэгдэл хийснээр "Тироннозавр Батаар”-ын арга  ясыг эргүүлэн авахаар болсон юм. Энэ хэргийг шүүгч Прийт Бхарара “Чулуужсан ясны үлдэц, эртний амьтдын яснууд нь тус улсын байгалийн болон соёлын өвд тооцогддог. Энэхүү түүхийн нэг хэсэг болсон үнэт олдворуудыг захын худалдаачид хууль бусаар хил гаргаж, зарж борлуулдаг үзэгдэл их болсон ” хэмээн хэлжээ. Эрик Прокопид хэрэг үүсгэн шалгах явцад тэрбээр Монгол, Хятадаас "Тироннозавр Батаар"-ын арга яснаас гадна өөр ховор амьтдын араг ясыг хууль бусаар оруулж ирсэн болох нь тогтоогдсон байна. Э.Мөнхнасан