Холливудын нэрт жүжигчин эмэгтэй Деми Мурыг хуримынхаа зургаан жилийн ойгоор нөхар нь өөр бүсгүйтэй хуурсан тухай мэдээлэл сар гаруйн өмнөөс цацагдаж эхэлсэн. Тэгвэл showbizspy.com-ийн батлан бичснээр бол Деми Мур өөрөө явдалтай нэгэн бололтой. Тэрээр 27 настай, канад залуу Бен Холлингсвортыг “гарын шавь”-аа гэж онцлон, алдартай жүжигчин болгохоод шийдсэн аж. Гэлээ ч тэдний харилцаа өдөр ирэх тусам ойр болж, улмаар амрагийн харилцаатай болсон гэнэ. “Холлингсвортыг Мур, Катчер хоёр үдэшлэгтээ байнга урьдаг байсан. Нэг үдэшлэг дээр Эштон Катчер байхгүй Бен, Мур хоёр байж таарсан. Тэр хоёр яг л өсвөрийн насныхан шиг хөгжилдөн наргиад Мурыг гэрт нь хүргэж өгөхөөр явах замдаа машины арын суудал дээр энгэр зөрүүлсэн гэсэн. Үүнээс хойш Бен Муртай дахин дотно харилцаанд ороогүй. Учир нь тэр хийсэн үйлдэлдээ санаа зовсон” гэж Бен Холлингсвортын тун дотно гэх найз нь хэвлэлд ярьжээ.

Р.Гэгээ