Тус бүлэг оны төгсөлд хуралдсан бол өнөөдөр удирдлагын төвшиндээ хуралдаж дараахь асуудлыг хэлэлцжээ. Тодруулбал,энэ долоо хоногт байнгын хороо болон нэгдсэн чуулганы хуралдаанаар хэлэлцэх Сэтгэцийн эрүүл мэндийн тухай /Шинэчилсэн найруулга/ болон Сэтгэцийн эрүүл мэндийн тухай хуулийг хүчингүй болсонд тооцох тухай хуулийн төслүүд, Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хуулийн төсөл,  Төрийн нууцын жагсаалт батлах тухай хуульд өөрчлөлт оруулах тухай хуулийн төслийн талаар хэлэлцжээ.

Түүнчлэн   Монгол Улсын Их Хурлын тухай хуульд өөрчлөлт оруулах тухай хуулийн төсөл /Монгол Улсын Ерөнхийлөгчөөс өргөн мэдүүлсэн хуулийн төслийг тус тус хэлэлцжээ.

Ерөнхийлөгчийн өргөн мэдүүлсэн УИХ-ын гишүүний бүрэн эрхтэй холбоотой хуулийн төсөл дээр тухайн гишүүний бүрэн эрх байх, байхгүйгээс илүүтэй  төрийн тогтвортой байдал, төрийн дархалааны тухай  өргөн утга агуулгатай учраас онцгой  анхаарч ажиллахгүй бол зөвхөн хүний тухай ярьж байгаа асуудал биш гэсэн байр суурьтай байгаа аж.

Эхний заалт буюу УИХ-ын гишүүн гэмт хэрэг үйлдэж байгаад газар дээрээ баригдвал бүрэн эрхийг нь түтгэлзүүлнэ гэсэн заалтыг дэмжиж байгаа аж. Харин хоёр дахь заалт болох мөрдөн байцаагчийн санал болгосноор УИХ-ын гишүүний бүрэн эрхийг түтгэлзүүлэх тухай заалтыг дэмжихгүй байгаагаа гишүүд илэрхийлжээ.

Н.Түвшин