Бүгд Найрамдах Энэтхэг улсын Гадаад хэргийн сайд Салман Куршидын урилгаар энэ сарын 15-17-ны өдрүүдэд Гадаад харилцааны сайд Л.Болдын тус улсад албан ёсны айлчлал хийхээр болжээ. Энэхүү албан ёсны айлчлалын үеэр баримтлах удирдамжийн төслийг Засгийн газрын гишүүд хэлэлцээд МУ-ын Ерөнхий сайд Н.Алтанхуягаар батлуулахаар тогтсон байна. Гадаад харилцааны сайд Л.Болд айлчлалынхаа үеэр БНЭУ-ын Ерөнхийлөгч Пранаб Мукержи, Ерөнхий сайд Манмохан Сингх нарт бараалхаж Гадаад хэргийн сайд Салман Куршидтай албан ёсны яриа хэлэлцээ хийх аж. П.Наран