Төрөөс их, дээд сургуульд бакалавр, магистраар суралцаж буй оюутнуудад сар бүр 70 мянган төгрөг олгодог болоод  багагүй хугацаа өнгөрч байгаа. Тэгвэл өнөөдөр оюутнуудын 70 мянга дансанд нь орж, хотын  зарим АТМ-үүд хөл гишгих зайгүй шахам байлаа. Оюутнуудад төрөөс олгож буй энэхүү мөнгийг тэд хэрхэн зарцуулах нь өөрсдийнх нь эрхийн асуудал. Зарим нь сургалтын төлбөртөө нэмэрлэж, зайлшгүй шаардлагатай ном , сурах бичиг, хоол хүнсэндээ бэлддэг гэдгийг үгүйсгэхгүй. Гэхдээ дийлэнх нь энэ мөнгөөр баар, шөнийн клуб, зочид буудлуудыг тэтгэдэг гээд хэлчихвэл буруудахгүй л болов уу.  Учир нь Цагдаагийн ерөнхий газраас ирүүлсэн мэдээгээр их дээд сургуулийн оюутнуудад 70 мянган төгрөг олгох шийдвэр гарч, хэрэгжиж эхэлсэнээс хойш архи согтууруулах ундаа хэрэглэх залуусын тоо эрс нэмэгдсэн хэмээн мэдэгдсэн удаатай.  Эрүүлжүүлэхэд хоног төөрүүлэх нь ч нэмэгддэг гэнэ. Тиймээс төрөөс олгож буй “цалин”-гаа залуус маань зөв зохистой хэрэглэдэг байгаасай. Татвар төлөгч бидний татварын мөнгөнөөс  та бүхэнд очиж буй энэхүү “цалин” бол эх орныхоо ирээдүйн сайн сайхны төлөө, эрдэм мэдлэг эзэмшиж байгаад тань зориулсан “хайр” гэдгийг ухаарч зөв сонголтоо хийгээсэй. Монголын ирээдүй болсон залуус архи тамхи, бар ресторан, зочид буудлыг сонгож, эцэст нь эмийн сан, эмнэлэгийг зорих хэмжээнд битгий хүрээсэй гэж хүсэх байна. П.Наран