Уран нугараач  13 настай Б  охиныг зодсон сургагч багш Г.Энх-Амгаланд холбогдох эрүүгийн хэргийг Улсын мөрдөн байцаах газрын Онц хүнд, зохион байгуулалтай гэмт хэрэгтэй тэмцэх хэлтсээс яллах дүгнэлт үйлдүүлэхээр нийслэлийн Прокурорын газарт шилжүүлжээ. Түүнд Эрүүгийн хуулийн тусгай ангийн 181-д зааснаар бусдыг илтэд үл хүндэтгэн хүч хэрэглэх буюу хүч хэрэглэхээр заналхийлж, нийгмийн хэв журмыг ноцтой зөрчсөн гэх үндэслэлээр эрүүгийн хэрэг үүсгэсэн аж. Хэргийн талаар эргэн санавал АСА циркийн жүжиг­чид өнгөрсөн онд ОХУ-ын хотуудаар аялан тоглохдоо “Шинэ цирк” төвтэй хамтарч агаарын гимнастикийн үзүүл­бэр үзүүлжээ. Ингэхдээ уран нугараач  О-г сайн нугарсангүй гэсэн шалтгаанаар багш нь зодож танхайрч, биед нь хүнд гэмтэл учруулсан талаар охины ээж цагдаагийн байгууллагад гомдол гаргасан байна. Н.Түвшин