34 дэхь “Дакар ралли”  уралдааны 4 дэхь гараа Перу улсын НАЗКА – АРЕКЮЙПА – гийн  хооронд 289 км замд үргэлжиллээ. Замын хувьд үнэхээр бартаа ихтэй тэр чигээрээ элсэн манханд уралдсан гэхэд хилсдэхгүй.  Цаг агаарын хувьд ч гэсэн шатам халуун буюу 30 C^O – д тамирчид уралдаж байна. Энэ гарааны ялагчаар Испаний Борт Барреда (3 цаг 41 мин 09 секунд)  тодорлоо. 175 дугаартай, КТМ мотоциклиэр уралдаж буй ОУХМ Д. Болдбаатар (5 цаг 23 мин 53 секунд) –ээр  99 – р байранд орсон бол 174 дугаартай Yamaha  мотоциклиэр уралдаж буй ОУХМ  Н.Лхамаа (5 цаг 38 мин 41 секунд) - ээр 118 – р байранд орлоо. 4 – дэхь гараанд нийт 156 мотоцикльчид замаа дуусган барианд орсон байна. 5 – дахь гараа Перу улсын АРЕКЮЙПА – гаас эхэлж Чилийн АРИКА хүртэл нийт  136 км замыг туулна. 4 гарааны дараа мотоциклийн төрөлд нийлбэр дүнгээр 156 тамирчнаас Францийн мотоцикльч  О.Пэйн (10 цаг 10 мин 38 сек) – ээр тэргүүлж байна. Харин манай тамирчин ОУХМ Д. Болдбаатар (13цаг 04 мин 13сек) – ээр 77 – р байр, ОУХМ  Н.Лхамаа (14 цаг 28 мин 18сек) – ийн амжилтаар 111 – р байранд явж байна. Б.Төр