Манай улсад импортоор оруулж ирж буй бараа монгол хэл дээр байдаггүй нь хэрэглэгчдэд хүндрэлтэй байдаг. Тиймээс Шударга өрсөлдөөн, хэрэглэгчийн төлөө газраас дотоодын үйлдвэрлэгчид болон импортлогч аж ахуйн нэгжүүдийн үйлдвэрлэж байгаа болон импортлон худалдаалж байгаа бараа бүтээгдэхүүний сав баглаа боодлын шошгололтод стандартын дагуу хяналт шалгалт хийж, шаардлага хүргүүлэх, зөвлөгөө зөвлөмж өгөх, шат дараатай уулзалт зохион байгуулах зэргээр аж ахуйн нэгжүүдтэйгээ хамтран ажиллаж байгаа билээ. Энэ дагуу ШӨХТГ-ын дарга О.Магнай ахуйн бараа импортолдог "Таван-богд" ХХК, "Жагар интернэшнл" ХХК, "Анунгоо" ХХК, “Монголиан Стар Мелшерс”ХХК, “Космо” ХХК гэх мэт 10 компанийн төлөөлөлтэй уулзаж, импортын бүтээгдэхүүн дээр монгол хэлээр заавар, тайлбар байршуулахыг сануулсан байна. Д.Цэцэг