Дуучин Эми Уайнхауз амьдралынхаа сүүлчийн хормыг YouTube видео сайтаар өөрийхөө клипүүдийг үзэж байгаад нас барсан гэж түүний хэргийг дахин сөхөн шалгаж байгаа мөрдөгч хэлсэн байна. Түүний компьютерт хийсэн шалгалтаар тэрээр “Love's A Losing Game” дууныхаа клипийг үзэж байсан нь тогтоогдсон байна. Түүний үхлийн шалтгааныг Лондонд байдаг өөрийн хувийн байшиндаа архи хэтрүүлэн хэрэглэснээс амь насаа алдсан хэмээн тэмдэглэсэн ч өнгөрсөн сард хаагдсан байсан хавтаст хэргийг нь дахин нээсэн юм. Одоогийн байдлаар үхлийн жинхэнэ шалтгаан юу байсан талаар шинжээчид хараахан дүгнэлт гаргаагүй байна. Хэргийн илрүүлэлт удаашралтай байгаа нь түүний байшин зарагдсантай ч холбоотой гэж мөрдөгч хэлсэн аж. Өнгөрсөн арваннэгдүгээр сард түүний байшин 1.8 сая ам.долларын үнэд хүргэж дуудлага худалдаанд оруулсан юм. Э.Мөнхнасан