Америкийн баарны тайчигч бүжигчин 22 настай Лоурен Блок хэмээх эмэгтэй ажлаа хийж яваад өндөр тайзнаас унаж амь насаа алдсан харамсалтай хэрэг гарчээ. Өндрөөс унасан даруйдаа эмнэлэгт хүргэгдсэн боловч хэд хоног эмнэлэгт байж байгаад амьсгал хураасан аж. Газар дээр байсан гэрчүүд болон цагдаа нарын мэдээлж буйгаар бүжигчин эмэгтэй 15 метр өндөр тайзан дээрээс унасан байна. Түүний гэр бүлийнхний хэлж буйгаар тэрбээр зөвхөн бүжиглэхээс гадна хүмүүнлэгийн ажилд идэвхтэй оролцдог нэгэн байсан аж. Тэрбээр цус хандивлах үйлсэд байнга оролцдог байсан гэнэ. Үүнийхээ хэрээр ч тэрбээр эмнэлэгт байх хугацаандаа нэлээд олон хүнээс сэтгэл санааны дэмжлэг авч байжээ.   Э.Мөнхнасан