ШАРДОКТОР компани 2012 оны 06 сараас Япон Улсын Такаражима Жапан компанитай дистрьюбиторийн гэрээ хийж Японд бүтээгдэхүүнээ экспортлож эхлээд байна. 2012 оны 11сарын 21-нд Японы Токио хотод ШарДоктор дэлгүүрийн нээлтээ хийсэн ба Монгол Улсаас Япон улсад суух элчин сайд,ХАҮТ болон бусад төлөөлөгчид оролцжээ. Ирж буй 2013 онд ШарДоктор компани хэрэглэгчдийнхээ төлөө болон улс орныхоо гадаад экспортыг экологийн цэвэр бүтээгдэхүүнээр чимэхийг зорилгоо болгон ажиллаж байна. ШарДоктор үйлдвэр сүүлийн 6 жил чацарганаар дагнасан үйлдвэрлэл, худалдаа эрхэлж байгаа бөгөөд 2011 онд  өдөрт 5тонн чацаргана боловсруулах үйлдвэр ашиглалтанд оруулсан.

Одоогийн байдлаар ШарДоктор үйлдвэр Монгол Улсын хэмжээнд хурааж буй нийт чацарганы 80 орчим хувийг худалдан авч буйг хэлэхэд таатай байна.Энэ бол ШарДоктор 100 хувь чацарганы жимсээр  үйлдвэрлэл явуулдаг гэдгийг реклам сурталчилгаагүйгээр нотолсон хэрэг юм. 2012 оны 12 сарын 07-нд болсон чацарганы форумаар ШарДоктор компани тариаланчдаа дэмжих зорилгоор Монгол Улсын аль ч өнцгөөс ирсэн чацарганы тээврийн зардлыг даах шийдвэр гаргасан.Ингэсэн тохиолдолд Увс болон Сэлэнгийн чацаргана адилхан үнээр УБ-т ирэх ба гэхдээ тариаланчид энэ уриалгыг хэрэгжүүлэхдээ бөөний үнэ жижиглэнгийн үнэ хоерыг бодолцохыг хүсэж байна.Хэт өндөр үнэтэй жимсээр хийсэн бүтээгдэхүүн ард түмний гар дээр үнэтэй очихоос сэргийлж байгаа юм.

Жимсээр ундаа хийдгийн онцлог гэвэл тухайн чацарганы сортоос шалтгаалан ундааны амт өнгө өөр өөр гардаг.Исгэлэн амтанд биш жинхэнэ чацарганаар хийсэн үү гэдгийг анхаарах хэрэгтэй.

ШарДокторыг буюу жинхэнэ цэвэр чацарганыг тогтмол хэрэглэдэг хэрэглэгчиддээ баярлалаа.