УИХ-ын Төрийн байгуулалтын хорооны дарга Ж.Сүхбаатар 11 дүгээр сарын 4-ний өдөр НҮБ-ын Нарийн бичгийн даргын газрын дэргэдэх Улс төрийн асуудал эрхлэх газраас судалгаа хийж байгаа сонгуулийн тусламжийн хэрэгцээний үнэлгээний багийнхантай уулзлаа. НҮБ-ын Улс төрийн асуудал эрхлэх газрын Сонгуулийн тусламжийн хэлтсийн ажилтан Светлана Галкина, НҮБХХ-ийн Ази, Номхон далайн бүсийн төвийн сонгуулийн зөвлөх Др.Саймон Финлий нарын бүрэлдэхүүнтэй баг манай улсад 10 дугаар сарын 31-нээс 11 дүгээр сарын 7 хүртэл ажиллаж байгаа юм.

Тус баг нь Монгол Улсын улс төр, сонгууль, аюулгүй байдалд үнэлгээ хийсний үндсэн дээр Монгол Улсын сонгуулийн үйл ажиллагаанд НҮБ-ын системээс тусламж үзүүлэх боломж, чиглэлийг тодорхойлж, авч хэрэгжүүлэх арга хэмжээний талаар НҮБ-ыг сонгуулийн туслалцааны асуудлаар төлөөлөх гол этгээд болох НҮБ-ын Ерөнхий Нарийн бичгийн даргын туслах бөгөөд Улс төрийн харилцааны газрын дарга, ноён Лин Паскод зөвлөмж гаргаж өгөх зорилготой ажиллаж байгаа юм байна.