Ятга хөгжим нь эрт цагт Монголын төрийн ёслолын гол хөгжим байсан төдийгүй энэ онд   Монгол Улсад мэргэжлийн ятгачид бэлтгэж эхэлсний 50 жилийн түүхт ой тохиож байгаа аж. Эл ойн хүрээнд Олон улсын эрдэм шинжилгээний бага хурал, ятга хөгжимд зориулсан бүтээлийн уралдаан, залуу ятгачдын уралдаан, олон улсын ятгачдын уран бүтээлийн тоглолт, гэрэл зургийн үзэсгэлэн  зэрэг  олон ажлыг зохион байгуулахаар болжээ. Түүхт ойн арга хэмжээ энэ сарын 20-ны дуустал үргэлжлэх юм байна.