“Ану хатан” киноны өдөрлөг өнөөдөр “Тэнгис” кино театрт 15.00 цагаас болно. Үзэгчдийн хүсэлтээр зохион байгуулж буй энэ кино өдөрлөгөөр Ану хатан, Галдан бошигт хаан болон хаан хүү Сэвдэнбалжир, бага хатан Ахай, амь сахигч эмэгтэй баатарт тоглосон жүжигчид киноныхоо хувцастай хүрэлцэн ирж оролцох юм. Энэ үеэр Галдан хаанд тоглосон жүжигчин М.Мягмар, Ану хатан буюу дуучин Д.Отгонжаргал, Ахай хатанд тоглосон мисс Б.Бадамцэцэг, Сэвдэнбалжирт тоглосон А.Алтанхуяг, Ану хатны амь сахигч баатарт тоглосон мисс П.Шүүдэрцэцэг нар үзэгчидтэйгээ мэндчилэн хамтдаа зургаа авахуулж, гарын үсгээ өгөх юм байна. Д.Цэцэг