Арванхоёрдугаар сарын 18-нд Голландын Делфзейл хотноо эхэлсэн дэлхийн шилдэг 12 даамчны халз тоглолт өчигдөр өндөрлөлөө. Тэмцээний сүүлийн шийдвэрлэх өрөг өчигдөр манай цагаар 23.00 цагийн үед явагдсан. Уг тэмцээнд Ази тивийг төлөөлөн оролцсон их мастер Д.Эрдэнэбилэг наймдугаар байрт шалгарсан байна. Харин аваргын төлөө дэлхийн зургаан удаагийн аварга, ОХУ-ын их мастер Александр Шварцман, Голландын даамчин, Кеес Тейссен нар тоглосон.