Хүний нэр төрд халдсан гэх үндэслэлээр яллагдагчаар татагдсан Амлалт нэхэх ард түмний холбооны ерөнхий зохицуулагч Г.Уянга, түүний нөхөр, сэтгүүлч А.Баатархуяг нарт холбогдох хэргийн анхан шатны шүүх хурал эхэлсэн боловч нэхэмжлэгч талаас хүн ирээгүй учраас шүүх хурал нь энэ сарын 15-ны өдрийг хүртэл хойшлууллаа. Хуралд Л.Гансүх сайдын өмгөөлөгч Г.Цэндсүрэн ирсэн байсан бол шүүгдэгчийн талаас  Г.Уянга болон түүний нөхөр А.Баатархуяг нараас гадна өмгөөлөгч С.Хишигбат нар хүрэлцэн ирсэн байв.