"Амьдрах ухаан-Амжилтын хөтөч” номын нээлт өнөөдөр Интерномд  боллоо. Нээлтэд номыг зохиогч М.Ичинноров, Аксел Фишер, Монголын сэтгүүлчдийн нэгдсэн эвлэлийн ерөнхийлөгч   Б. Галаарид, ШӨХТГ-ын дарга О.Магнай, Хувь хүний хөгжлийн инстиутын багш Ц.Төгөлдөр, Д.Мягмардорж, М.Алтанцэцэг нар оролцов. Ерөнхий сайдын ивээл дор Засгийн газар , Хувь  хүний хөгжлийн институттэй  хамтран “Амьдрах ухаан-Амжилтын хөтөч” төслийг хэрэгжүүлж байгаа. Төслийг хэрэгжүүлэгчид  энэхүү хөтөч номоо Монгол айл  бүрт, монгол хүн  болгонд хүргэхийг зорьж буй.Энэ номтой нөхөрлөснөөр тухайн хүн  өөрийгөө өөрийгөө хөгжүүлэх, дотоод сэтгэлдээ нуугдаж байгаа асар их хүчээ ашиглан аз жаргалтай, орлоготой, сэтгэл хангалуун амьдрах боломжтой юм. Уг ном нь гурван бүлэг болон 2013 оны тэмдэглэл гэсэн хэсэгтэй. Хэсэг тус бүр нь таны өөрийн олж нээсэн дотоод ертөнцийнхөө хүчээр ялагчийн байр сууринд хүргэх зааварчилгаа бүхий хөтөч болно. Д.Цэцэг