Үндэсний хөгжмийн зэмсэгээр жааз уран бүтээл туурвидаг “Арга билэг” хамтлагийнхан энэ сарын энэ сарын 22-24-нд “Дээлт” тоглолтоо Улсын Филармонид  сонирхуулах гэж байна. Ардын дуу болон орчин цагийн хөгжмийн зохиолчдын дан хөгжмийн бүтээлийг этно-жааз урсгалаар найруулж тоглохын зэрэгцээ өөрсдийн зохиосон уран бүтээлийг мөн энэ урсгалаар тоглодог тус хамтлаг эдүгээ “Дээлт”, “Дэв” гэсэн хоёр цомогтой. Парис, Нью-Йорк, Берлин, Москва, Сиэтл, Денвер, Санкт-Петербург, Астана, Сөүл, Шанхайн үзэгчдэд бие даасан тоглолтоо сонирхуулж байсан тус хамтлагийнхан энэ удаад Улаанбаатарынхаа үзэгчдэд уран бүтээлээ толилуулахаар шийдсэн тул бэлтгэлдээ хэдийнээ гарсан гэнэ. П.Наран