“Бичил уурхай эрхлэгчдийн баруун бүсийн чуулга уулзалт” Баянхонгор аймагт боллоо. Уулзалтад Ховд аймгаас Байгаль орчин, аялал жуулчлалын газар, Мэргэжлийн хяналтын газар, Ирвэс-3 баг, Элгэн Сутай ТББ-ын төлөөлөл оролцов. Чуулга уулзалтаар төр-иргэний нийгмийн байгууллага, ХАМО /Хувиараа ашигт малтмал олборлогч/-ийн харилцаа, уялдааны талаар өргөн хэлэлцүүлэг явуулсан. Мөн зарим ХАМО-д зохион байгуулалтад орсон талаар, нөхөрлөл хэрхэн байгуулагдсан талаар, одоо явуулж буй үйл ажиллагааны талаар харилцан туршлага солилцсон. Баруун бүсийн хэмжээнд бүртгэлтэй 5229 ХАМО, 6 аймгийн 30 суманд 144 нөхөрлөл, 6 ТББ үйл ажиллагаагаа явуулж байгаа юм байна гэж Ховд аймгийн БОАЖГ-ын байгаль хамгаалагч С.Сүхцоож мэдээллээ.