Жанцмаа овогтой Батхишиг

“Шууд телевиз”-ийн Мэдээний албаны дарга 1981 оны 06 сарын 19 ны өдөр Ховд аймагт төрсөн. 1988-1998 онд Ховд аймгийн Хоёрдугаар арван жилийн сургуулийг дүүргэсэн. 1998-2002 онд “Утга зохиол,нийгмийн ажилтаны дээд сургууль”-ийг сэтгүүлч, утга зохиолын ажилтан мэргэжлээр дүүргэсэн. 2003-2004 онд “Эх орон –Ардчилал” эвсэлд хэвлэлийн төлөөлөгчөөр ажиллаж байв. 2004 -2009 онд Ийгл телевизийн мэдээний албанд сурвалжлагч. 2010 онд “Шууд.мн” сайтыг үүсгэн байгуулахаас эхлээд сурвалжлагчаар ажилласан. Харин 2010 оны 10 сарын 15-нд “Шууд телевиз” төрөхөд Мэдээний албаны даргаар томилогдон ажиллаж байна. 2008 онд Монголын сэтгүүлчдийн нэгдсэн эвлэлээс “Ган үзэгтэн” шагнал хүртсэн. 2010 онд Монгол Улсын Ерөнхийлөгчийн зарлигаар “Хөдөлмөрийн хүндэт медаль” хүртсэн болно. Одоо ХУИС-ийн “Сэтгүүлзүйн тэнхим”-д Магистрийн зэрэг хамгаалахаар суралцаж байна.