УИХ-ын сонгуулиар Увс аймгаас сонгогдсон Ч.Хүрэлбаатар, Б.Чойжилсүрэн нарын гаргасан гомдлын дагуу Улсын Дээд шүүх тэдэнд холбогдох хэргийг хянан хэлэлцэж байгаа билээ. Одоогоор шүүх хурал завсарлаад байгаа бөгөөд 14.00 цагаас эргэн хуралдана. Ч.Хүрэлбаатар, Б.Чойжилсүрэн нар МАН-аас УИХ-ын сонгуульд нэр дэвшихдээ хууль зөрчин иргэдийн саналыг худалдан авах зорилгоор бэлэн мөнгө тараасан, сонгуулийн сурталчилгааг хаасан үед мэдээллийн салбар ашиглан сурталчилгаа хийсэн, насанд хүрээгүй хүүхдийг сурталчилгаанд ашигласан, мөн төрийн жинхэнэ албан хаагч Ш.Чинбатыг сурталчилгаанд оролцуулсан гэх мэдээлэл цацагдсан. Ингэснээр уг асуудал хууль хяналтын байгууллагад шилжсэн. Анхан болон давж заалдах шатны шүүхээс тэднийг хууль зөрчсөн хэмээн үзэж, УИХ-ын гишүүний түр үнэмлэхийг нь хүчингүй болгохыг СЕХ-нд даалгасан. Харин тэд үүнийг эсэргүүцсэн Улсын Дээд шүүхэд гомдол гаргасан билээ. Д.Цэцэг