2007 онд чөлөөнд гарсан Хойд Солонгосын Ерөнхий сайд ажилдаа эргэн оржээ. БНАСАУ-ын Засгийн газар эдийн засгийн асуудлуудаа шийдвэрлэхийн тулд энэ албанд Пак Бон Жуг эргэн томилсон байна. Огцрохоосоо өмнө энэ хүн зах зээлийн шинэчлэлийг явуулж байсан билээ. Тэрбээр фермерүүдэд эрх олгон, хоол хүнс болон нэн шаардлагатай бараа, бүтээгдэхүүнийг тодорхой хэмжээгээр олгохыг болиулахаар зүтгэж байжээ. Пак Бон Жу өдгөө 70 настай бөгөөд тус улсын залуу удирдагч Ким Чен Уны авга ах Чан Сон Тхаекийн ойрын нөхөр юм. 2007 онд түүний явуулж буй өөрчлөлтүүдийг үр бүтээл багатай гэж үзсэн тул түүнийг чөлөөлсөн билээ. Эх сурвалж www.wikimon.mn