Нийслэлийн хэмжээнд өнгөрсөн баасан гаригт “Бүх нийтийн их цэвэрлэгээ”-г зохион байгуулсан. Их цэвэрлэгээний өдөр нийслэлийн найман дүүргийн нийтийн эзэмшлийн 116 гудамж, зам талбайд түүвэр цэвэрлэгээ, гэр хорооллын гудамж, гуу жалганд үүссэн хогийн цэгийг цэвэрлэж, нийт 777.537 м2 талбайн 1771.02 тн хог хаягдлыг 457 удаагийн рейсээр ачиж тээвэрлэн хогийн төвлөрсөн цэгт хүргэсэн байна. Их цэвэрлэгээг нийтийн эзэмшлийн гудамж, зам талбай, гэр хороолол, орон сууцны хороолол доторхи, аж ахуйн нэгж байгууллагын орчны, нийтийн эзэмшлийн явган зам гэсэн чиглэлээр зохион байгуулж, нийт 7 757 байгууллага, аж ахуйн нэгжийн 46 497 хүнийг идэвхитэй оролцуулсан байна.