Дэлхийн цаг агаарын өөрчлөлт эрчимтэй явагдаж байгаа тэр дундаа халалт үүсч байгаа хэмээн эрдэмтэн судлаач нар ярьж байна. Цаг агаарын дулаарлыг хэмжих гол хэмжигдэхүүн нь нарийн багаж төхөөрөмжөөс гадна өмнөд туйлын мөс хэр зэрэг хурдацтай хайлж байгаагаар хэмжиж болохоор болжээ. Туйлын мөс хайлах нь олон талаараа сөрөг нөлөөтэй. Тэнд дэлхийн цэвэр усны нөөцийн багагүй хувь нь хадгалагдаж байгаа бөгөөд мөс хайлах тусам усанд ууршилт явагдаж цэвэр ус хоног тутамд хорогдсоор байгаа гэсэн үг юм. Хиймэл дагуулаас хийсэн болон судалгааны багийнхны ажиглалтаар туйлын мөснүүд эрчимтэй хайлж, нүдэнд ч илт анзаарагдам налуу үүсч байгаа аж. Өмнөд туйлын мөс хайлж байгаа тухайд Недерландын Цаг уур судлалын Хүрээлэнгийн эрдэмтдээс бүрдсэн баг нэлээд томоохон судалгаа явуулж байна. Тэдний хийсэн ажиглалтад туйлын мөс улирлын шинж чанартайгаар  хайлж байгаа бөгөөд өвөл намрын цагт харьцангуй бага, зун хавартаа эрчимтэй хайлж байгааг харуулжээ. Дэлхийн дулаарал 1985 оноос эхлэн ажиглагдаж эхэлсэн. Түүнээс хойш жилд 1.9 хувиар мөсний хайлалт нэмэгдсээр байгаа аж. Ялангуяа сүүлийн арван жилд мөсний хайлалт илүүтэй нэмэгджээ. Судалгааны багийнхан 2020 он гэхэд мөсний хайлах явц түргэсч, 2049 он гэхэл туйлд ямар ч мөс үлдэхгүй болсон байх хэмжээнд хүрнэ гэсэн тооцоо судалгаа гаргажээ. Э.Мөнхнасан