Монголын Хүүхдийн Ордноос уламжлал болгон зохион байгуулдаг өсвөрийн төгөлдөр хуур сонирхогчдын “Хаан хуур 2013” наадам өндөрлөлөө. Уг наадамд Хөвсгөл, Орхон аймаг, Улаанбаатарын 78 төгөлдөр хуурч оролцож, авьяас билгээ сорьсон юм. Үүнээс цэцэрлэгийн насанд Улаанбаатар хотын 66 дугаар цэцэрлэгийн Б.Мишээл тэргүүн байр эзэллээ. Харин I-III ангийнхныг Орхон аймгийн бяцхан авьяастан Р.Ганцэцэг манлайлав. IV-V ангийн ангилалд Нийслэлийн 47 дугаар сургуулийн сурагч Э.Мартин, хоршил төрөлд Улаанбаатар хотоос оролцсон У.Дөлгөөн, Э.Дариймаа нар тэргүүн байрын шагналын эзэд болжээ. Б.Сайнаа