Сэргээн засалт, хөгжлийн Үндэсний төвийн хурлын танхимд өнөөдөр 09.00-12.00 цагийн хооронд "Хөгжлийн бэрхшээлтэй хүүхдүүдийг сургууль, цэцэрлэгт бүрэн хамруулах, тэдний сурч, боловсрох нөхцөлийг сайжруулах, багш сурган хүмүүжүүлэгч бэлтгэх, мэргэшсэн боловсон хүчний өнөөгийн байдал болон дэлхий нийтийн хандлага" сэдэвт уулзалт, хэлэлцүүлэг болно. Энэхүү уулзалтад ХАХНХ-ын дэд сайд Э.Тамир, ХАХНХЯ-ны Хүн амын хөгжлийн бодлогын хэрэгжилтийг зохицуулах газрын дарга Д.Амарсайхан, СЗХҮТ-ийн ерөнхий захирал Б.Нарантуяа болон Боловсрол шинжлэх ухааны яамны төлөөлөл оролцох аж. П.Наран