Хэвлэлийн хүрээлэнгийн хурлын танхимд маргааш 11.00 цагт найруулагч Ц.Хүсэлбаатар, жүжигчин С.Өлзийхүү нар сэтгүүлчдэд мэдээлэл хийхээр болжээ. Урлагийн салбарын үлгэр дуурайл болсон уран бүтээлч гэр бүлийн хоёр маань энэ удаад ямар нэгэн тоглолт, арга хэмжээний талаар биш нийгмийн амьдралтай холбоотой асуудлаар мэдээлэл хийх аж. Тодруулбал, Сэлбэ голын эргийг эвдлэн, цэвэр усны ундарга болон ойр орчмын нийтийн эзэмшлийн зам талбай, ногоон байгууламжийг сүйтгэж, тухайн хэсгийн дулааны шугам сүлжээн дээр 16 давхар 240 айлын орон сууц барихаар улайран дайрч байгаа тухай буюу Сэлбэ голыг хамгаалах талаар мэдээлэх юм байна. Тэд энэхүү хэвлэлийн хурлаа “Нарлаг-78” СӨХ-ны удирдах зөвлөлийн гишүүдтэй хамтран зохион байгуулах аж. П.Наран