МҮОНТ-ээс Боловсрол, шинжлэх ухааны яамны дэмжлэгтэйгээр жил бүр зохион явуулдаг “Залуу зохион бүтээгч” уралдааны энэ жилийн “Шилдэг 36 бүтээл” үзэсгэлэн Монголын Залуучуудын холбооны Залуусын танхимд гарч эхэллээ. Үзэсгэлэнд “Залуу зохион бүтээгч” уралдаант III нэвтрүүлгийн IV шатанд шалгарч үлдээд байгаа 36 бүтээл тавигджээ. “Шилдэг 36 бүтээл” үзэсгэлэнгийн албан ёсны нээлт маргааш 12:00 цагт болох юм байна. Нээлтэд БШУ-ы сайд, МҮОНТ-ийн удирдлагууд, Оюуны өмчийн газрын болон ивээн тэтгэгч, хамтран ажилладаг байгууллагуудын төлөөлөл ирж оролцоно. П.Наран