Чингэлтэй дүүргийн шүүх өнөөдөр УИХ-ын гишүүн Ц.Нямдорж, УИХ-ын гишүүн Х.Баттулгыг гүтгэсэн учраас хэвлэл мэдээллийн хэрэгслээр дамжуулан уучлал гуйх ёстой гэсэн шийдвэр гаргажээ.
Тодруулбал, 2012 оны хавар тухайн үед ХЗДХ-ын сайд байсан УИХ-ын гишүүн Ц.Нямдорж, мөн тэр үед ЗТБХБ-ын сайд байсан Х.Баттулгыг Солонгос, Хятадуудтай төмөр зам барих нууц гэрээ хийсэн хэмээн хэвлэлийн бага хурал хийлгэн мэдэгдэж, олон хэвлэл мэдээллийн хэрэгсэлд энэ талаараа ярилцлага өгсөн юм.
Уг асуудлыг ор мөргүй гүтгэлэг болохыг тухайн үед УИХ-ын гишүүн Х.Баттулга мэдэгдэж, нэр төрөө сэргээлгэхээр шүүхэд хандсан. Урьд нь Хан-Уул дүүргийн болон нийслэлийн шүүх Ц.Нямдорж сайдын уг үйлдлийг хууль зөрчсөн хэмээн үзэж хэвлэл мэдээллийн хэрэгслээр уучлал гуйх ёстой гэсэн шийдвэр гаргаж байсан.
Харин Ц.Нямдорж сайд асан уг асуудлыг Чингэлтэй дүүргийн шүүхээр хэлэлцүүлэхээр хүсэлт гаргасны дагуу энэ асуудлыг тус дүүргийн шүүхэд шилжүүлээд байсан юм. Чингэлтэй дүүргийн шүүх уг асуудлыг хэлэлцээд ЗТБХБ-ын сайд асан Х.Баттулга “Төмөр зам барих асуудлаар нууц гэрээ хийгээгүй” хэмээн шүүхийн шийдвэр гаргажээ.
П.Наран